„Louis Vuitton“, според заработката, е сеуште на високото прво место помеѓу луксузните брендови.
Според листата на топ брендови, која ја направи респектабилната маркетинг агенција „Millward Brown Optimor“, францускиот луксузен конгломерат „Louis Vuitton“, според заработката, е сеуште на високото прво место помеѓу луксузните брендови.
Според глобалното истражување на агенцијата, вредноста на индустријата за облека е зголемена за 10 проценти, додека истата на луксузната индустрија се зголеми за 19 проценти. Изгледа рецесијата, само во овие индустрии не го зема својот данок.
Со 23 проценти поголема заработувачка, „Louis Vuitton“ достигна вредност од 24.312 милијарди долари, со што ја предводи листата на луксузни брендови, а на топ 100 листата на брендови се најде на 26-тото место. Според експертите, за успехот на брендот се заслужни повеќе фактори. Меѓу нив се: вистинската проценка како да се фокусираат на азискиот пазар, но и фантастичните колекции на нивниот главен дизајнер, Марк Џејкобс, кој е единствениот дизајнер кој се најде на листата на 100-те највлијателни личности, која ја направи Time.
