Бугарскиот филм „Истрага“ на режисерката Иглика Трифонова од синоќа почна да се прикажува во киното „Фросина“ во МКЦ
Филмот е од 2007 година и во него играат Светлана Јачева, Красимир Доков, Дејан Донков и нашата актерка Лабина Митевска. Приказната го следи текот на истрагата низ призмата на неговата основна тема - неможноста на меѓучовечката комуникација.
„Истрага“ е цврст машки филм, како што вели неговата продуцентка Росица Влканова. Тоа е многу мачен филм, направен со суптилност, а ја прикажува затскриената емотивна борба на една инспекторка, која е назначена да го извлече признанието од осомничениот дека го убил својот брат и податокот каде ги закопал деловите од неговото тело.
